Мектеп директорының міндетін атқарушысы Сансызбаева Гульзат Қуанышқызының 2020-2021 оқу жылының қорытынды есебі
2020-2021 оқу жылының қорытындысы туралы
2020-2021 оқу жылында мектеп барлық санитарлық талаптарды сақтай отырып дәстүрлі түрде оқимыз. Оқу жылын 1 даярлық топты қоса алғанда 17 сынып комплектімен бастадық. Даярлық топта 16 оқушы, 1-11 сынып оқушылары 285 оқушы. 3 оқушымыз үйден оқиды. Жалпы оқушы саны -301. Мектептерде санитарлық қауіпсіздік шаралары барынша сақталуда. Әлеуметтік қашықтықты ұйымдастыру үшін балалар тек бір кабинетте оқиды. Мектепке кірукезінде мектеп медбикесі және кезекші мұғалімдер оқушыларды маскамен, дене қызуын өлшеп, залалсыздандырып кіргізеді. Дене қызуы 37 градустан жоғары көрсеткен оқушы үйіне қайтарылады және ауылдық емхана дәрігерімен байланыста жұмыс атқарамыз. Сынып бөлмелері алдын ала кварцталып, желдетіп және ылғалды тазалау жұмыстары жүргізіледі.
Мектепте 33 мұғалім дәріс береді. Оның ішінде жоғары білімді 30 мұғалім (90%), арнаулы орта білімді 4 мұғалім (12%). 34 ұстаздың: 1-уі жоғары санатты, 9-ы І-ші санатты, 8-і ІІ-санатты, ал 9-уы санатсыз жас мамандар. Келесі оқу жылында 4 жас маман біліктіліктерін арттыруға өтініш білдіруде. Барлық мұғалімдер 100 пайыз жаңартылған білім беру мазмұны бойынша курстан өткен. 3 мұғалім 3 айлық деңгейлік курстан өткен. Аттестациядан өткен мұғалімдер 1-педагог -зерттеуші, 5-педагог сарапшы, 5-педагог –модератор бар. Биылғы оқу жылында педагог сарапшыға -2 мұғалім, педагог –модераторға 3 мұғалім өтініш беріп отыр.
18 кіші қамту қызметкерлері бар. Оның 17 жұмысшысы тұрақты қызмет атқарса, 1 қызметкер декреттегі қызметкердің орнына уақытша қызмет атқаруда. Жұмысшылардың барлығы қауіпсіздік ережелерімен таныстырылған. Қазіргі таңда мектебімізде маман тапшылығы жоқ.
«Оқытудың жаңа технологияларын игеру және оны оқу процесіне енгізу арқылы мұғалімдердің педагогикалық кәсіби құзырлылығын дамыту» әдістемелік тақырыбы төңірегінде жұмыс ұйымдастырылып, жүзеге асырылды. Әдістемелік жұмыстың мақсаты: оқу тәрбие үрдісінде шәкіртті мұғаліммен бірдей субъект ретінде қабылдап, оның интелектуалды танымдық қабілеті мен іс-әрекетін дамыту; мұғалімдердің педагогикалық шеберлігін, шығармашылығын жетілдіріп, дамытуда тиісті әдістемелік көмек беру.
Мектепте 3 әдістеме бірлестіктері жұмыс жасап келеді. Олар: бастауыш сынып әдіс бірлестігі; қоғамдық-гуманитарлық пәндер әдіс бірлестігі; жаратылыстану-математика пәндер әдіс бірлестігі. Елімізде болып жатқан дүрбелеңге қарамастан барлық пәндер бойынша мұғалімдер мен оқушылар қашықтықтан түрлі облыстық, республикалық, аудандық байқауларға, оның ішінде Ұлы Абайдың 175 жылдығы мен Жамбыл Жабаевтың 175 жылдығы және ақиық ақын Мұқағали Мақатаевтың 90 жылдығы, тәуелсіздігіміздің 30 жылдығына арнайы ұйымдастырылған іс шараларға қатысып жүлделі орындарды иеленуде. Оның ішінде 2 мұғалім аудандық, 2 мұғалім облыстық, 14 мұғалім халықаралық, 30 мұғалім республикалық байқаулардың жүлдегері атанса, ал оқушылар 6- аудандық, 43 –халықаралық, 186-республикалық байқаулардың жүлдегерлері атанды. Пандемияға қарамастан мұғалімдеріміз өздерінің іс-тәжірибелерімен бөлісу мақсатында қашықтықтан Зум платформасы арқылы 4 мұғаліміміз аудандық семинар ұйымдастырып, құрмет грамоталарымен марапатталды.
Әр әдістеме бірлестіктің өткізген әдістемелік декадасы график бойынша, өз уақытысында және өз дәрежесінде өткізіліп, әдістемелік кеңес отырысында талқыланып отырды.
Қазіргі таңда білім беру ұйымының мақсаты – жаңа кезеңде жас ұрпақты тәрбиелеудегі өзекті мәселелерді тиімді шешулерін ұйымдастыру. Жаһандану процесінде жастар арасында әлеуметтік тоқырау, яғни саяси және қоғамдық өмірден алшақтау, отбасылық өзімшілдік мінез көрсету, адамгершілік құндылықтар дағдарысы шындықтан, адалдықтан бас тарту, зорлық зомбылық сияқты құбылыстар, дәстүрлі емес діни ұйымдардың жастарымыздың санасына әсер етуі кеңінен етек алуда. Міне сол себептенде жас ұрпақ тәрбиесі өзекті мәселелердің бірі. №29 Жаңатұрмыс орта мектеп ұстаздарының тарапынан тәрбие саласы бойынша тиісті жұмыстар атқарылуда. Зорлық –зомбылық, сыбайлас жемқорлық, діни экстремизм мен терроризм, тәрбие және құқық бұзушылықты алдын алу жұмыстары жоспарға сай жүргізілуде және «Адал ұрпақ» клубы, «Полицияның жас көмекшілері» жасағы, «Қыз Жібек» қыздар, «Азамат» ұлдар клубы, ата-ана комитеттері, «Мобильдік топ» жасағы, «Мектептің қауіпсіздік» командасы, «Қамқоршылық кеңес» мүшелері, «Кәсіподақ ұйымы» және «Құқықтық кеңес» мүшелері жыл басында бекітілген жоспарға сай жауапты тұлғалар жұмыстарын атқаруда. Жемқорлық қауіпті кесел екенін айта келе, мектепте «Сыбайлас жемқорлыққа қарсы күрес» бұрышы мен стенд жасалды және де «Сенім жәшігі» мен «Сенім телефондары» ұйымдастырылды. Мектепте сыбайлас жемқорлыққа қарсы мәдениетті қалыптастыруға, оның ішінде мектеп оқушыларының заң талаптарын сақтауға, білім және мәдени деңгейін арттыруға, мектептерде тәрбие жұмысын ұйымдастыруға жәрдемдесетін және қатысатын «Адал Ұрпақ» ерікті мектеп клубы құрылған.
2020 жылдың 1 тамызы мен 30 тамызы аралағында мектеп әкімшілігі және сынып жетекшілерімен бірлесе жалпыға міндетті оқумен толық қамту айлығы аясында дәстүрлі «Мектепке жол» акциясы өткізілді. Акцияның мақсаты бәрімізге мәлім – аз қамтылған және көпбалалы отбасынан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде көмек көрсету. Алдымен «Мектепке жол» акциясына арналған жоспар құрылып, бекітілді және қайрымдылық акциясына арналған стенді ұйымдастырылды, сонымен бірге штаб мүшелерінің тізімі ілінді. Мектеп ұстаздары тарапынан жартылай жетім, көпбалалы, аз қамтылған отбасынан шыққан 14 балаға оқу құралдары берілді.
2020-2021 оқу жылында аудан әкімінен мектеп формасына 25 балаға 18500 теңгеден ақшалай көмек берілді.
2020 жылдың басынан «COVID-19» індетінің таралуына байланысты 83 балаға құрғақ және шикі өнімдерді тасымалдаушы кәсіпкер К.Мейірманова ай сайын азық-түлікпен қамтып отырды. 4 тоқсаннан бастап мектеп асханасында жаңадан жасалған тізім бойынша 101 балаға ыстықтай тамақ біріле бастады. Әр айдың аяғында АББ-не есебі беріліп отырды.
2020 жылдың 16 қарашасымен 7 желтоқсан аралығында «Бөбек» сауықтыру орталығына жартылай жетім отбасынан шыққан бала 4 «А» сынып оқушысы Кеңес Мәди жіберіліп, жақсы дем алып келді.
Биылғы оқу жылында аудан әкімі ұйымдастырған «Жаңа жыл» шыршасына әлеуметтік нысандағы бастауыш сыныптан үздік оқитын 3 оқушыға планшет, сөздік кітаптар, сиыр мүсініндегі жинақ сандықша, бір қорап тәттілер мен тәтті нан салынған дорба сыйға тартылса, Жамбыл ауылдық округі әкімі әлеуметтік санаттағы 16 оқушыға тәттілер табыс етті.
Сонымен қатар мектебімізге аудандық білім бөлімінен мәжіліс залына 100 орындық, 1-4 сыныптарға -2 сынып комплект, 5-9 сыныптарға -2 сынып комплект, мұғалім креслосы -4 дана, ноутбук – 20 дана, Робототехника кабинеті- 1 комплект, кварц лампалары -14дана және т.б санитарлық гигиеналық құрал жабдықтармен қамтылды.
Сонымен қатар мектебімізге кең ауқымды, жылдамдығы жоғары оптикалық интернет желісі орнатылды. Бұл өте қуанарлық жайт. Әзірге информатика кабинетінде орнатылған. Мұғалімдер мен оқушылар жаңа ноутбуктармен интернет желісіне қосылып, қосымша ақпарат көздерімен жұмыс жүргізуде.
Біздің мектеп кітапханасы мектептің тәрбие процесіне атсалысып, балалар мен жеткіншектерді тәрбиелеуде белсене көмек беріп келеді.Кітапхана өз міндеттерімен білім профиліне сәйкес жаңа және дәстүрлі бағыттағы әдебиеттермен толықтырылып, оқу процесіне керекті әдебиет пен ақпараттармен қамтамасыз етіп, кітапханаға, акпаратқа деген оқырмандардың сұраныстарына жауап беріп, оқуға кітапханаға шақырып отырамыз. Кітапты ұқыпты ұстап, ақпарат көздерін бүлдермеуге үйрету, тәрбиелеу мақсатында жұмыстар жүргізіледі.
Қазіргі таңда кітапханада жалпы кітап қоры 7803 дана. Оның ішінде оқулықтары 6195 дана. Көркем әдебиет 266 дана,әдістемелік оқулықтың саны 505дана, электронды оқулықтар саны 224 дана кітапты құрайды. Кітапхана нормативтік құжаттар мен ережелерге сай, бекітілген айлық, жылдық жоспарлар бойынша жұмыстар жүргізіледі. Кітап қорының кірісі мен шығысына кітап қорының жиынтық есеп жұмыстарына ауқымды жұмыстар жүргізіліп, аудандық оқу бөлімі мен материалдық түгендеу бөліміне есеп беріп отырамыз.
Биылғы оқу жылының басында 2841 дана кітап қорға қосылса, қазан айында қордағы жарамсыз деп табылған, бағдарламаға сай емес 547 дана оқулық есептен шығарылды.
Жаңа оқу жылында 4,9,10 сыныптар бойынша жаңа оқулықтармен 100 % пайыз қамтамасыз етілді. Жалпы мектеп бойынша оқушылар 100 % оқулықтармен қамтамасыз етілді.
Оқулықтардың сақталуына тоқсанына 1 рет рейдке шығып, қорытынды сынып жетекшілері мен тәрбие ісінің меңгерушісі Г.Б.Малимбайға беріліп, кемшіліктер лездемеде айтылады.
Кітапхананың қызмет көрсетуі «Мектеп кітапханасы туралы ережеге» және «№29 орта мектеп кітапханасын пайдалану ережесіне» сәйкес жүзеге асырылады.
Жылдан жылға оқырман саны көбейіп отыр, ол өте жақсы нәтиже.
Белсенді оқырмандар 2,3,4,5, сыныптардың оқушылары .
Мектепті 2021 жылы жалпы 301 оқушы тамамдаса, оның ішінде 40 оқушы озат, 110 оқушы екпінді, 116 оқушы орташа білім сапасын көрсетті. Үлгермеуші және аттестатталмаған оқушы болған жоқ. Ал білім сапасы 64,4% құрап отыр. Биыл мектепті 10 оқушы аяқтап, оның 4 оқушысы Ұбт тапсырып, орташа 56 пайыз ұпай жинады.
Қорыта айтқанда мұғалімдер оқушылардың бойына қажетті дағдыларды дарыту үшін тынымсыз еңбектенуде. Жаңартылған білім болашақтың кепілі. Ақын Міржақып Дулатовтың «Жалғыз сүйеніш, жалғыз үміт оқуда» дегендей. Теңдікке жетсекте, жұрттығымызды сақтасақ та, дүниедегі сыбағалы орнымызды алсақ та, бір ғана оқудың арқасында аламыз. Жақсылыққа бастайтын жарқын жұлдыз оқу. ХХІ ғасыр-ғылым ғасыры. Мақсатты білім беру-тұлға дамуын жүзеге асыратын мәселе. Ал осы еуропалық стандартқа сай жаңа білім беру-жеке тұлғаның жан-жақты дамуына әкелетін бірден-бір жол! Жаңартылған оқу бағдарламасы аясында тек өз пәнін, өз мамандығын шексіз сүйетін, бала үшін ұстаз ғұмырын құдыретті деп санайтын білімді мұғалімдер ұжымымызда көбейе береді деген сенімдеміз.