Мектеп тарихы

Ең алғаш «Молотов» атты колхозда 1937 жылы 7 жылдық мектеп болған. 1937 жылдан 1961 оқу жылына дейін Құрымбаев Тұрыстай мектеп директоры болды. 1961 – 1963 жылдар аралығында Орынбаев Нақан ағай директор болып тағайындалды. 1963 – 1964 оқы жылында 8 жылдық мектепке ауысты. 1973 жылға дейін Жүнісов Рахат директор болып жұмыс атқарды. 1977 жылы Жаңатұрмыс орта мектебі болып құрылып, директоры Әуелов Бектұрған келді. Осы жылдары 4 сыныптық орыс сыныптары оқыды. 1978 жылы ауылға совхоздың директоры болып келген Арпабеков Жылқыбайдың бастауымен 1979 жылы Ленинградтық жобамен 3 қабатты жаңа мектептің құрылысы басталып, 1980 жылы 29 желтоқсанда мемлекеттік комиссия қол қойып оқуға рұқсат берген. Мектеп жаңа типті, үш қабатты, іріпанелді, сумен жылытатын, 23 оқу бөлмесі бар, спорт зал, асханасы бар, Барлық көлемі 3136,64м², 23 оқу бөлмесінің көлемі: 1448,91 м².

1983 жылы мамыр айында ең алғашқы он жылдық білім алған түлектер ұшып шықты.

1987 – 1998 жылдар аралығында Қашқынбаев Әділша ағай директор болды.1998 – 2008 жылдар аралығында Наметқұлова Бейсекул Адепбайқызы директор болып істеді. 2008 – 2012 жылдар аралығында Нұрмаханбетова Айна Бүркітбайқызы директор болды. 2013 жылдың наурыз айынан бастап осы уақытқа дейін Ултамбаева Сагидат Бектұрғанқызы мектеп директоры міндетін атқарып келеді.

Осы жылдар ішінде сан мыңдаған түлектер ұшырып, әрқайсысы өз орындарын тауып отыр.