Шәкәрім атындағы орта мектебі. Мектеп басшысының есебі.
2024-2025 оқу жылында барлық білім беру ұйымдарына ата-аналарды педагогикалық қолдау жөніндегі әдістемелік нұсқауларда ата-аналарға арналған сабақтардың жаңартылған мазмұны ұсынылды. «Ата-аналарды педагогикалық қолдау орталығы» қызметін ұйымдастыру бойынша нұсқаулықтың мазмұны «Өркен» ұлттық ғлыми-практикалық балалар әл-ауқаты институтының ғылыми-әдістемелік кеңесінің отырысында қаралған (16.08.2024ж.№5 хаттама). 2023-2024 оқу жылының 1- қыркүйегінен бастап барлық білім беру ұйымдарында «Ата-аналарды педагогикалық қолдау» көрсету орталықтары ашылып жұмыс жүргізілуде. Шәкәрім атындағы орта мектебінде тұлғаның үйлесімді дамуын қамтамасыз ету үшін білім беру ұйымы мен ата-аналар арасындағы тиімді өзара әрекеттестік пен позитивтіата-ана болу мәдениетін дамыту мақсатында, Жамбыл облысы әкімдігінің білім басқармасы Қордай ауданы білім бөлімінің 2023 жылдың 2 қазанындағы №1203/1608 шығыс хатын негізге ала отырып, «Ата-аналарға педагогикалық қолдау орталығын ұйымдастыру туралы» 2024 жылдың 2 қыркүйегіндегі №109/ө мектепішілік бұйрықты басшылыққа алып, 2024-2025 оқу жылына арналған «Ата-аналарды педагогикалық қолдау» орталығының жұмыс жоспары құрылып, жауаптылар тағайындалды. «Ата – аналарды педагогикалық қолдау» орталығының алғашқы сабақтары қыркүйек айынан бастап жоспарланып, жүргізілді.
«Ата-аналарды педагогикалық қолдау» орталығы аясында «Даналық мектебі» құрылды. Даналық мектебінде төрт клуб жұмыстарын жандандыруда.Олар: «Ата өсиеті», «Әже даналығы», «Аға қамқорлығы», «Жеңге кеңесі».
Жоспарға сай әр тоқсан қорытындысы бойынша жалпы ата-аналар жиналысы тақырыпқа сай жүргізіледі.
Біртұтас тәрбие болғандықтан құқық бағыты бойынша атқарылатын іс-шаралар тыс қалған жоқ. «Зорлық-зомбылықты алдын алу» мақсатында жылдық іс-шара жоспары құрылған.
Қазақстан Республикасы Оқу-ағарту министрінің 2022 жылғы 21 желтоқсандағы № 506 бұйрығы бойынша «ДосболLIKE» буллинг және кибербуллинг алдын алу мақсатында атқаратын
бірлескен жұмыс жоспары құрылды. Жоспар бойынша мектеп оқушыларымен, ата-аналармен іс-шаралар атқарылуда.
Кәмелетке толмағандардың арасындағы құқықбұзушылықтың алдын-алу бойынша Шәкәрім атындағы орта мектебінің және Қордай АПБ ЖПКБ ЮПТ УПИ қызметкерлерімен бірлескен профилактикалық іс-шаралар жоспары құрылып бекітілген. Ювеналды полиция инспекторымен бірлесе сабақтан көп қалатын оқушыларды анықтап, олармен пікірлесу жұмыстары жүргізіледі. Құқық бұзушылықты алдын алу мақсатында мектепте тұрақты жұмыстар жүргізілуде. Күндізгі және түнгі уақыттарда рейдтер ұйымдастырылуда.Тәртібі қиын, мектепішілік және аудандық полиция бөлімінде есепте алуды қажет ететін оқушылар 2024-2025 оқу жылында анықталған жоқ.